Assi: Google Streetview

Immap naqqatigut attaveqaat inuussutissarsiutilinnut iluaqutaassaaq

Immap naqqatigut attaveqaat Ilulissanut attavilerneqarsinnaanngilaq iluliarsuit immallu naqqata pissusaata tamanna ajornartimmagu. Taamaakkaluartoq attaveqaat atulerpat Ilulissani inuussutissarsiutinik ingerlataqartut qilanaarput.

Immap naqqatigut attaveqaat Aasiannut tallineqarpat sakkortusaavimmik annertuumik pisinnaasalimmik Ilulissanut attaveqalissaaq.

Nuummi qarasaasiakkut nassitsivik telefoni atorlugu Ilulissani suliffeqarfiit allallu attavit taanna atortarpaat.

Taama oqaluttuarpoq Sulisitsisut Peqatigiiffiata Ilulissani immikkoortortaqarfiani siulittaasoq Jens Peter Pars.

- Attaviit maannakkut ajutukuulaartarput taama ajutoortoqarangat, dankort, mobil aamma qarasaasiakkut attaaveqaatit atorsinnaajunnaartarput, Jens Peter Pars oqarpoq.

Aamma atuaruk Immap naqqatigut kabeli tallineqartussanngorpoq

Sakkortuusaaviit Nuup Aasiaallu akornanniittut ajutoornerisigut Ilulissani qarasaasiakkut attaveqaatit eqqorneqartarput.

- Sakkortusaaviit Nuup Aasiaallu akornanniittut ajutooraangata Ilulissani avannaanilu qarasaasiat mobilit telefonilu atorneqarsinnaajunnaartarput.

Sakkortussaaviit ajutoornerisigut Jens Peter Pars innaallagissamik suliffeqarfia suliffeqarfiillu allat eqqorneqartarput.

- Suliffeqarfik unittoortarpoq, saaffiginissinaasut killeqalertarput, akiligassanik suliaqarsinnaanngilagut allaffimmiut suliatik unitsittarpaat, Jens Peter Pars oqarpoq.

Aamma atuaruk Nuna tamakkerlugu attaveqaat aallartisarneqalerpoq

Jens Peter Parsip nuannaarutigaa TELE-POST aalajangermat sakkortusaavinnk annertuumik pisinnaasalinnik Aasianniit Qasiagianngunut Ilulissanullu attaveqartussanik pilersitsisoqarniarmat.

Taakkua saniatigut TELE POST pilersaaruteqarpoq sakkortusaavik Uummamut atorneqartoq Upernavimmut kingusinnerusukkut attavilerneqassasoq.

- Isumalluartorujussuuvugut sukkaninngortussaagami maani Ilulissani, immap naqqatigut attaveqaat Aasiannut attavilerneqarpat, Sisimiuni Aasiannilu sakkortusaaviit atorsimasaasa sinneri, avannaani atorluarneqalersinnaassapput, taamaattumik isumalluartorujuuvugut, Jens Peter Pars Sulisitsisut Peqatigiiffiata Ilulissani immikkoortortaqarfiani siulitaasoq taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat