Immap naqqani ataatsimiinneq
Qeqertarmiut silap pissusaata kiatsikkiartorneranit eqqugaasinnaanerisa maluginiarneqarnissaa siunertaralugu ataatsimiinnissap piareersarnerani kingullermi Maldiverini naalakkersuisut ilumoorullugu immap naqqanut aqqarsimapput. Taama allappoq nutaarsiassaqartitsivik Ritzau.
Allattoq Elisa Isaksen
oktobarip 16-at 2009 13:35
Ataatsimiinneq sapaatip akunnerata naanerani immap naqqani 6 meterinik itissusilimmi pivoq. Tamanna Maldiverini qeqertat pingaarnersaanniit Malemiit aquuteralammik 25 minutsini ingerlareerluni tikinneqarsinnaasumi qeqertami Girifushimi ingerlanneqarpoq.
Naalakkersuisut immap naqqani nerriviliorsimasut attaveqaqatigiinnerlu allattarfiit ikumatittakkallu atorlugit pisoq, nutaarsiassaqartitsivik Ritzau allappoq.
Ukiumi 2100-mi nunarsuatsinni imaq 18 centimeterinit 59 centimeterit angullugit qaffassinnaasoq, Naalagaaffiit Peqatigiit silap pissusaa pillugu ataatsimiittartoqatigiivisa 2007-imi aarlerisaarutigaat, taamaattoqassappallu Maldiverit najorneqarsinnaajunnaartussaapput.
