Immap naqqa sajuttoq

Grækenlandip qeqertarpassuisa akornanni immap naqqa ullaaq sajuppoq, ajoqusertoqarsimaneranilli nalunaaruteqartoqanngilaq.
Allattoq Elisa Isaksen
juulip 15-at 2008 08:07

Nunap sajuttarneranut uuttuut naapertorlugu immap naqqa 6,3-mik sajuppoq, Grækenlandimilu nutaarsiassaqartitsiviit oqaatigaat inuit illuminnit qimarrassimasut.

- Danskit 2000-it 3000-illu akornanni amerlatigisut Rhodosimi maanna feeerialeruttorput, ajoqusertoqarsimanngilarlu, Star Toursimi tuniniaanermik pisortaq oqarpoq, Star Tours aqqutigalugu maanna Rhodosimiittut 600-t missaanniittut.

Hotelit arlaqartut Rhodosip illoqarfittaaniittut inuerutitinneqartut Star Toursip sulisuisa nalunaarutigaat, najugaqartulli hoteliminnut utikaalersut aamma nalunaarutigineqarpoq.

Immap naqqata sajunnera Kretami malugineqarsinnaasimavoq, soorluttaaq Grækenlandip nunavittaani Tyrkiamilu malugineqarsinnaasimasoq.