Immap iluani alliartupiloorput

Sivisuumik ilisimatusarsimasut nunanit tamaneersut, Syddansk Universitetimit peqataaffigineqartumik, immap iluani meterinik sisamanik ititigisumi tamanna filmiliarisimavaat.

Inaluallit pulateriaarsunnullu assingusut, slangestjerner, nalinginnaasumit alliartornerupput, kinguaassiuaarnerusinnaanngortarlutillu. Immap sikuata kilometerit sisamat taakku qulaallugit aakkiartornera tamatumunnga pissutaavoq.

- Nunarsuarmi silap kiatsikkiartornerata Issittup qeqqani, allaat immami itisoorsuarmi, avatangiisiinik allanngortitsineranit pinngortitami ataqatigiinneq sukkasuumik sunniuteqartoq aatsaavissuaq uppernarsivarput.

Sivisuumik ilisimatusarsimasoq, Antje Boetius, Tysklandimi Alfred Wegener Institute for Polar and Marine Researchimeersoq, oqarpoq.

Antje Boe tassaavoq arnaq sivisuumik ilisimatusarsimasut filmiliorsimanerannik pingaarnertut allaaserinnittoq, allagaalu ilisimatusarneq pillugu atuagassiami "Science"-imi, saqqummiunneqartussaavoq. Sivisuumik ilisimatusarsimasut nunanit aqqaneq-marlunneersut, tyskit ilisimatuuutut umiarsuaat "Polarstern"-imut ilaallutik, sapaatip-akunnerini qulingiluani siorna aasakkut angalapput.