Immap assingi pillugit uuttortaanerit ukioq manna naammassineqarput
Umiatsiat uuttortaanermut atorneqartut qaqinneqareerput. Persuarsiuutigalugu qaqitsisoqarpoq.
Allattoq Mads Lynge
oktobarip 13-at 2007 13:18
Immap itissusaanik uuttortaanerit Kangilinnguani Sakkutooqarfimmit aaqqissugaasut ukioq manna naammassineqarput.
Umiatsiat uuttortaanermut atorneqartut SKA 12 aamma SKA 16 sisamanngormat nunamut qaqinneqaqqammerput.
Umiatsiaat qaqinneqarmata Ivittuuni persuarsiortoqarpoq, pølsituuttoqarlunilu kakaosuuttoqarami.
Kangilinnguani Sakkutooqarfik nittartakkamini taama allaaserinnippoq.
Kalaallit Nunaata kimmut sineriaani ukioq manna uuttortaasoqarpoq, immap assinginik sanatitsisoqarnissaannut uuttortaasoqarluni.
