Immanuelsen Aningaasaqarnermut Akileraartarnermullu ataatsimiititaliami siulittaasunngussaaq
Upernavimmi borgmesteriusimasoq Jens Immanuelsen, partiimi naalakkersuisuutitaqartumi Siumumi qaammatini kingullerni qaffakkiartuinnarsimavoq. Finn Karlsenillu Aningaasaqarnermut Akileraartarnermullu ataatsimiititaliami siulittaasuuffia maanna tigusussanngorpaa.
Allattoq Peter Troelsen, Simon Uldum
Tamannalu Finn Karlsenip aalisarnermut, piniarnermut nunalerinermullu naalakkersuisutut ivertinneqarneranut atatillugu pissaaq. Ivertitsineq Inatsusartut immikkut ittumik ualeru ataatsimiisinneqarnerini pissaaq. Karlsenip Karl Lyberth, Tom Ostermannimik immikkut siunnersortissatut toqqaalluni mamianartuliornermi kingorna nammineerluni tunuartoq kingoraassavaa.