Immamik ilisimatusartut silap alllangornerata sunniutaanik misissuilerput

Ilisimatuut 22-t angalanissaat sapaatiuppat juunip arfernani aallartissaaq 23-ata tungaanut ingerlassalluni.

Ilisimatuut siulersortigissavaat professor Torkel Gissel Nielsen Danmarkimi Teknikkimut Ilisimatusarfiup DTU-p immamut tunngasuni immikkoortortaqarfiani Aqua-meersoq.

- Ilisimatusarneq pingaaruteqartorujussuussaaq, oqarpoq.

Immami ilisimatuut 22-t Danmarkimit, Kalaallit Nunaannit, Spaniamit, Tysklandimit USA-millu aggersuussapput.

- Immami misissuinitsinni uumassusillit suulluunniit nerisareqatigiinneri soorlu bakterissanit minnerpaaniit aalisakkanut suffisartunut, qaleruallit angisuut ilanngullugit misissussavavut, Torkel Gissel Nielsen.

Ikkussortakkat ikkussugassartagaasut ilisitsunngornissaata tungaanut suut tamaasa paasiniarniarpaat.

Silap allanngoriartornera pingaartumik issittumi takussutissartaqarpoq, taakkunanilu silaannaap immallu kissakkiartornerisa kingunerisai misissorneqartuarput, soorlu sikup sermillu aakkiartornerata immallu sarfaata allanngornerata uumassusilinnut sunniutai.

Fyllas Bankemit aallartilluni Nuup Kangerluani sermersuup killinganut immap tarajoqassusaa tappiorannartoqassusaalu misissorneqassapput.

Issittumi sikup sermersuullu aakkiartupiloornerata kinguneri misissussallugit pingaartippaat.

- Kalaallit Nunaata aningaasaqarneranut imaq pingaaruteqaqimmat, allannguutit qulaajassavagut, Torkel Gissel Nielsen nassuiaavoq.

Misissuutip "Dana"-p angalanera DTU-mit Nunattalu sila pillugu Nuummi Ilisimatusarfiata peqatigiillutik aaqqissuussaraat.