Imiisivinnik peqalernissartik nuannaraat

Peqqissutsimut naalakkersuisunngorlaaq Agathe Fontain Inuunerittamit tapiissutinik aningaasanik agguaaqqammerpoq.

Aningaasat inuunerinnerulernermik kinguneqartussanik suliniutinut tapiissutaasarput.

Nanortalimmi atuarfik aningaasannattunut ilaapput, taakkulu imiisivimmut atorneqarnissaat siunniunneqarpoq, nuannaarutigineqaqalunilu.

Atuarfiup pisortaa Jens Korneliussen nuannaaqisoq ima oqarpoq:

- Meeqqat atuarfianni imiisivinnik peqalissammat nuannaarutigaarput. Qangarsuarli kissaatigisimasarput kiisami iluatsilerpoq. Pinaveersaartitsisinermut ataatsimiititaliami eqqartortarsimavarput, maannakkullu piviusunngulerluni. Meeqqat sodavandimut taarsiullugu imermik nillertumik imersinnaalernissaat siunnerfigaarput, Jens Korneliussen oqarpoq.

Imiisivissaq meeqqanit aamma nuannarineqarumaartoq Jens Korneliussenip ilimagaa:

- Isumaqarpunga meeqqat nuannarissagaat. Aningaasarpassuit atorlugit sodavandisinniartarput, ilaatigullu oqartarput atuarfitsinni imeq ruujoriniittoq imerusunnagu, mamanngimmanngooq, kiisalu aamma nillortikkuminaalluni assut, Jens Hansen nassuiaavoq.

Meeqqat ileqquliussimasaat allanngortinneqarsinnaanissaat Jens Korneliussenip aamma neriuutigaa:

- Taamatut annikittunnguugaluamik allanngortitsinikkut meeqqat ileqqorisartagaat allanngortikkiartuaarsinnaavoq. Tassami ilaatigut meeqqat ileqqoriinnalernikuaat sodavandisinniartarneq, aamma sodavandimik tigummiarneq, kaasarfimmiorneq ileqquliutiinnalernikuaat