Imigassat kimittuut Qaanaamut eqqussorneqarput

Allattoq Mads Lynge
juunip 10-at 2007 13:26

Qaanaami imigassap ammaqqinnissaanut siunnersuutit pingasut innuttaasunit aqagu taasisitsissutigineqassapput.

Qaanaami ajornartorsiutit annertummata imigassaq maajip ulluisa qulinganni naalakkersuisunit matuneqarpoq, Qaanaamilu kommunalbestyrelse-p taamatut aalajangiineq akerleriuarsimavaa.

Taamaammat innuttaasut aqagu taasitinneqassapput, imigassamut point-it atorneqaqqilersinnaanissaannut imaluunniit immiaaqqat viinnillu kisimik tunisaalersinnaanerat imaluunniit killeqanngitsumik tuniniaasoqaqqililissanersoq taasisitsissutigineqassammat.

- Inuit imigassamik kimittuumik anngiortumik eqqussuipput, borgmesteri Jens Danielsen oqarpoq, nangillunilu:

- Tamanna qaangerniarneqassappat imigassamik tuniniaasinnaanerup arlaatigut ammaqqinnissaa periarfissaasariaqarpoq, Jens Danielsen radioaviisimut oqarpoq.