Imigassartorsimallutik biilertut tallimat unnuap ataatsip ingerlanerani
Nuummi imigassartorsimallutik biilertut tallimat arfininngornerup sapaatillu akornanni politiinit unitsinneqarput.
AAMMA ATUARUK Pinngitsaaliisimagunartumik najumminnissimasoq: Kinguaassiuutitigut atornerluineq nipangiusimajunnaartariaqarparput
Kalaallit Nunaanni politiini pigaartut pisortaat Brian Thomsen KNR-imut taama paasissutissiivoq.
Ulloq unnuallu qaangiuttup ingerlanerani politiit ulapipput. Annertunerusumilli pisoqarsimanngilaq.
- Politiit sinerissami tamarmi ulapipput, persuttaasoqarpiarsimanngilarli, Brian Thomsen oqaluttuarpoq.