Imigassartorneq annikilliartoqqilersimavoq
Imigassartorneq Kalaallit Nunaanni kingumut annikilliartoqqilersimavoq, 2003-miit 2005-ip tungaanut annertuseqqissimagaluariarluni.
Kalaallit Nunaanni Naatsorsueqqissaartarfiup imigassaq pillugu kisitsisaataasa tamanna ersersippaat.
Imigassaq kimittooq 498.000 liiterip missaa nunatsinnut 2006-imi eqqunneqarsimavoq, 14-it sinnerlugit ukiullit agguatigiissillugu 11½ liiterimik imigassartorsimallutik. Appariaat ukiumut siulianut naleqqiullugu 4 procentip missaaniippoq, taamani 14-it sinnerlugit ukiullit agguaqatigiissillugu 12 liiterip missaanik imigassartorsimallutik.
Naatsorsueqqissaartarfiup ilisimatitsissutigaa immmiaaqqanik, viinninik imigassamillu kimittuumik
atuineq tamarmi milleriarsimasoq. Kimittuumillu imigassartorneq annikillinerpaasimalluni.
Naatsorsueqqissaartarfimmit pineqartoq tassaavoq imigassanik nunatsinnut eqqussuineq, ilanngunneqarpulli immiaaqqat nunatsinni maqinneqarlutillu nioqqutigineqartartut.
