Imigassaq iviangikkut kræfteqalissutaasinnaasoq
Ullormut 10 gramitalimmik imigassartortaraanni, imigassartornerit tamaasa iviangikkut kræfteqalernissamut 10 procentimik qanilleriartoqartartoq, ilisimatuussutsikkut misissuinikkut uppernarsaatissaqartinneqareersoq, Naalagaaffiit Peqatigiit peqqinnissakkut suleqatigiiffiannit, WHO-mit oqaatigineqarpoq. Tamatuma assigaa immiartorfeeqqamut imigassartorneq.
Misissuinikkut paasisat WHO-mit saqqummiunneqartut, Kræftens Bekæmpelsep suliniutaanit "Nerisat, Kræfti peqqissuserlu"-mit ilaatigut tigusaapput.
- Ilaatigut paasivarput Danmarkimi iviangimikkut kræfteqalersartut 4.000-iusut 15 procentiisa missaat imigassartornermik pissuteqartartut. Imigassartortarneq millisinneqarsinnaappat, tamanna iviangimikkut kræfteqalersartut ikileriarnerannik kinguneqassagaluartoq, nakorsaanerup Anne Tjønnelandip Kræftens bekæmpelsemeersup oqaatigaa.
Matumani imigassartornermi immiaarartorneq, viinnisorneq imaluunniit imigassamik kimittuutorneq apeqqutaanngillat, imigassap qanoq atsigisup atugaanera apeqqutaammat.