Imigassaq akornutaasoq

Angajoqqaat ilarpassui isumaqartarput, meeqqat siullerpaamik aalakuussagunik, illoqarfimmi aalakooratik angerlarsimatillutik aalakoorunik pitsaanerusoq, taamaattumik meeqqat angajoqqaatik ilagalugit ataasinnguartorsinnaatitaasarput imaluunniit viinnisorfimmut ataasiarlutik viinnisorsinnaatitaasarput.
Allattoq Elisa Isaksen
decembarip 17-at 2009 14:22

Tamannali ileqquuvoq pitsaanngitsoq, taama isumaqarpoq Tuluit Nunaanni nakorsaanerit ilaat Sir Liam Donaldson.

- Imigassaq inuiaqatigiinni peqqissutsimut ajornartorsiutaasorujussuuvoq. Imigassaq aserorterisutut sunniuttarpoq aamma imigassap ajoqusigai sumiluunniit takusarpavut, nakorsaaneq aviisimut The Guardian-imut oqarpoq.

Nakorsaaneq taanna Tuluit Nunaanni siullerpaalluni innersuussuteqarluni oqarpoq, meeqqat 15-it inorlugit ukiullit imigassamik misiliitinneqartariaqanngitsut.

Nakorsaaneq isumaqarpoq, angajoqqaat kukkusut, isumaqarunik meeqqatik angerlarsimaffimminni imigassamik tunisarnerisigut, imigassamik atuinermik ilikkartissinnaallugit.

Meeqqat aatsaat 15-it 17-illu akornanni ukioqaleraangata, angajoqqaat nakkutigisaanik imigassamik misiliitinneqartarnissaat, Sir Liam Donaldsonip innersuussutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq