Imigassanik eqqussuineq annertuserialaarpoq

Imigassat aalakoornartortallit Kalallit Nunaannut siorna eqqunneqartut 459.000 literiupput. Tassani pineqarlutik immiaaqat viinit imigassallu aalakoornartortallit kimittuut, taamatut nalunaaruteqarpoq Kalaallit Nunaanni Naatsorsueqqissaartarfik.

Imigassat aalakoornartortallit nunatsinnut eqqunneqartut ukiumut siualianut sanilliulugit 6000 literinik annertunerupput.

Eqqussuineq inummut ataatsimut 14-nileereersimasumut agguaqatigiissillugu 10,67 literiuvoq. Ukiup siulianut sanilliullugu 1,1 pct. annertuseriarfiulluni, tassani imigassamik eqqussuineq inummut ataatsimut 14-nileereersimasumut agguaqatigiissillugu 10,55 literiulluni.

Immiaaqqat eqqussorneqartarnerat annikilliariarsimavoq, taamaattorli viinni aammalu imigassat kimittuut eqqunneqartut amerleriarsimallutik.

Nunat tamat timmisartoqarfiini akileraaruteqanngitsumik imigassat kimittuut viinit immiaaqqallu pisiarineqartut naatsorsueqqissaartarfiup naatsorsuinerani ilanngunneqanngillat.