Naatsorsueqqissaartarfik: Imigassamik eqqussuineq appariarsimavoq
Imigassamik aalakoornartumik Nunatsinnut eqqussuineq tunisassiornerlu siorna 2018-imi katillugit 327.000 liiteriuvoq, 2017-imut naleqqiullugu 11,6 procentinik appariarsimalluni. Imigassarmi siorna eqqussuunneqartoq ukiup siulianut naleqqiullugu 43.000 liiterinik annikillisimammat.
Kalaallit Nunaanni Naatsorsueqqissaartarfiup kisitsisaataasa tamanna takutippaat.
Imigassamik aalakoornartutalimmik pilersuinerup 1989-imut naleqqiullugu siorna 2018-imut 395.000 liiterinik appariaateqateqarsimanera Naatsorsueqqissaartarfiup kisitsisaataasa aamma takutippaat.
Imigassamik aalakoornartutalimmik nunatsinnut ukiut 30-t kingulliit ingerlaneranni eqqussuineq tunisassiornerlu taamaalillu 54,7 procentinik appariarsimavoq.
Inummut 15-ileereersimasumut imigassamik aalakoornartutalimmik pilersuineq siorna 2018-imi 7,4 liiteriuvoq, 2017-imut naleqqiullugu 1 liiterimik, imaluunniit 11,8 procentinik appariarsimalluni.
Innuttaasut 15-ileereersimasut agguaqatigiissillugu inummut ataatsimut 7,4 literimik imigassamik aalakoornartumik atuisarpata inuup ataatsip agguaqatigiissillugu sapaatip akunneranut immiartorfiit 9,5-it 2018-imi imertarsimagai, Kalaallit Nunaanni Naatsorsueqqissaartarfiup kisitsisaataasa takutippaat.
