Imigassamik ajornartorsiuteqarlutik katsorsartittartut inuusutsikkaluttuinnarput
Arnat katsorsartittartut inuusussigaluttuinnarput. Ukiui agguaqatigiissillugu siornatigut 45-nik ukioqartartut maanna 35-nik ukioqalersimapput.
Arnat inuusuttut arlallit 20-t sinnilaarlugit ukiullit arlalissuit katsorsarneqartalerput, ammut 18-inik ukiulinnut allaat.
Peqqinneq pillugu atuagassiaq Helse Danmarkimi tamarmi misissuisitsinermini paasivaa, arnat katsorsartittartut inuusussigaluttuinnarnerat tamani takussaasoq.
Arnat inuusuttut atornerluisunnguissimasarput, inuunerannik paatsiveerutsitsilluinnartumik. Danmarkimi kulturi pisooqataasoq, katsorsaasarfimmi sulisut ilaat aviisimit issuarneqarpoq. Kulturi tassaanerarpaa arnaagaluaraanniluunniit aarlorussisarnermik akuerinninneq.
Arnat inuusuttut katsorsartittartut tassaakkajupput niviarsiaraatillutik 12-13-inik ukioqarlutik aalakoornartortalersimasut.