IMF: Akileraarutit apparlugit nunap aningaasartuutai qaffallugit

Nunarsuarmi aningaasaqarnikkut ajornartorsiorneq qaangerniarniarlugu aningaasat amerlanerusut kaaviiaartittariaqartut, Nunat tamalaanit pigineqarluni aningaasaateqarfik IMF naliliivoq.
Allattoq Najaaraq Egede
decembarip 22-at 2008 06:43

Aningaasanik amerlanernik kaaviiaartitsisoqalinngippat ukioq 2009 aningaasaqarnikkut ilimagisamit ajornerujussuarmik ingerlaratarsinnaavoq.

Aningaasaateqarfiup IMF-ip siulittaasua, Dominique Strauss-Kahn BBC-p radioani apersorneqarluni oqarpoq aamma Europami nunat arlallit aningaasaqarnerminnik pitsanngorsaaniarlutik suliniuteqarnerusariaqartut, maanna suliniutaat naammanngilluinnartutut oqaatigalugit.

IMF-p nunarsuarmi nunat siuttui maanna siunnersorpai aningaasartuutitik sakkortuumik amerlisaqqullugit, akileraarutillu apparteqqullugit, taamaaliornikkut innuttaasut aningaasanik atuinerulissammata nunamilu aningaasat kaaviiaartitat amerlanerulissammata.

- Inuinnaat aningaasat atugaat ikileriapiloornikuupput, aningaasanillu atorniarsinnaaneq ajornarnerulernikuulluni. Akileraarutit appartinnerisigut aningaasanik atuineq qaffariaqqissinnaavoq, nunap aningaasaqarneranut iluaqutaasumik. Strauss-Kahn erseqqissaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq