Imermiutarsuaq Montenegrop aqquserngani angalaarpoq

Imermiutarsuaq tonsinik marlunnik oqimaassusilik, Nikica, Montenegromi uumasuusivissuarmiit ippassaq qimaavoq. Montenegromi ippassaq sialussuarmat qarsutsineqarpoq, taamaammallu Nikica, inigisamini ungaluusaniit eqqissivilluni anisinnaasimavoq.
januaarip 14-at 2010 09:05

Imermiutarsuaq nunarsuarmi uumasut ulorianarnersat ilaattut isigineqartarpoq, taamaammat Nikica, aqqanilinnik ukioqartoq, qimaammalli toqunneqassanersoq oqartussaasut assortuussutigaat, uumasuusivissuarmili pisortaq, Dragan Pejovic, isumaqarpoq, imermiutarsuaq arnaviaq taanna aqqusinerni nalorusaaraluaruni ajoqutaanavianngitsoq. Taamaaliortinneqarporlumi.

- Uippallertariaqanngilagut. Imermiutaaterput eqqissisimasorujussuuvoq nujuillunilu, Dragan Pejovic oqarpoq, imermiutallu uumasuusivimmut uternissaa utaqqimaaginnalerpaa.

- Nikica saassutinngikkaanni isimmittanngikkaanniluunniit susineq ajorpoq, uumasuuvissuup pisortaa nutaarsiassaqartitsivimmut AP-mut oqarpoq.

Imeq appartinnagu imermiutarsuup ungoorlugu tigusariniarnissaa, Dragon Pejovicip pisariaqarsorinngilaa, imermi apparpat iniminut uteqqissinnaanngussammat.