Nukissiorfiit Imermik siullerpaamik qalatitseqqaaqqusisoqanngitsoq
Inuit imermik kuuffimmiit imertinnatik qalaasseqqaarnissamut inassuteqaat siullermeertumik sumiiffiit ilaanni atuukkunnaarpoq. Taama Nukissiorfiit tusagassiorfinnut nalunaarumminni allaaserisaqarput.
- Pisoq angusarput oqaluttuarisaanermut ilannguppoq, tassa Kalaallit Nunaanni qalatitseqqaarnissaq atorunnaarmat, Nukissiorfinni pisortaanerugallartoq Claus Aagaard-Andersen taama oqarpoq nangillunilu:
- Tamanna nunat allat amerlanngitsut angusinnaavaat, soorlu Danmarkimi akuttunngitsut assersuutigisartagarput, soorlu assersuutigalugu qalatitseqqaaqqusisarput. Assut tulluusimaarutigaarput erngup imerneqartussap pitsaassusia, Nukissiorfinni pisortaanerugallartoq, Claus Aagaard-Andersen oqarpoq.
AAMMA ATUARUK Nukissiorfiit Uummannami imeq najoqqagassaq suli misissoraat
Tamanut imermik pilersuinerup nuna tamakkerlugu misissorneqartarnissaa 2017-imi atuutilermalli atuisartut imermik imigassaminnik iminnginnermini qalatitseqqaaqqusaasarnerannut assersuutissat amerlasuujupput. 2007-imi ikinnerpaamik nunap ilaani sumiiffiit arlaanni imeq qalatseqqaarneqartussaasarpoq, allaat 2016-imi illoqarfinni aamma nunaqarfinni assigiinngitsuni 20-ngajanni imeq qalatseqqaaqqusaavoq.
Nunatsinni imermik qalatitseqqaarfioqqusaasoq kingulleq tassa Isertumiittoq ataasinngormat atorunnaarsinneqarpoq, taamaalilluni Nunatsinni aatsaat siullermeertumik imermik imermitsinnani qalatitseqqaaqqusinerit tamarmik peqqussutaajunnaarlutik.
Nukissiorfiit ukiuni kingullerni arfinilinni erngup imerneqartussap pitsaassusaa pitsanngorsarniarlugu sulissutigaa imermillu imerneqartussamik passussisarnermut periutsit nalinginnaasut nutaat atulerlugit.
- Nunatsinni imermik pilersuinermi nutarterinitsinni iluarsaassinitsilu alloriarneq pingaaruteqartuuvoq. Taamaakkaluartorli qalatitseqqaarnissamik inassuteqaateqartoqaqqinnginnissaa neriorsuutigisinnaanngilarput, kisianni titarneq ajunngitsumik ingerlavoq aamma angusaq pitsaalluinnartoq ullumikkut anguarput, Claus Aagaard-Andersen naggasiivoq.
