Imerfinnik tillittut eqqartuunneqarput
22-nik ukiulik Sonni Svensson tillinnerminik nassuereersoq sivisunerpaamik parnaarussaasussanngorlugu eqqartuunneqarpoq, kiisalu 25-nik ukiulik Serkan Barut, imminut pinngitsuunerartoq, ukiuni marlunni parnaarussassanngortitaavoq. Unnerluutigineqartut pingajuat, parnaarussassanngortinneqartut aappaanut anaanaasoq, - pinngitsuutitaalluni iperagaavoq.
Serkan Barut inuup sananeqaataanik dna-mik misissuinikkut paasineqarpoq. Tamatumani tunngavigineqarlutik aaqqatit nasarlu tillinniarnerup nalaani atorneqarsimasut, politiit nassaarisaat. Eqqartuunneqarnini ingerlatiinnarlugu suliareqqitassanngortippaa, Sonni Svenssonilli eqqartuunneqarnini eqqarsaatgeqqaarumavaa.
Imerfiit nassuttut sanaat kuultiusamik qalligaasut, kuultitaqanngitsulli, tillitaanerisa nalaani aappaat pilattorneqarsimavoq. Peqatigitillugu Sonni Svenssonip kuultip akia internetikkut paasiniarsimavaa. Taamaattorli nassunnik kuultiusanik pilattorsimanini miserratigaa.
