Imerajuttuulluni juullip qaammataa ilungersunarpoq

Immiaaraq siulleq imertinnagu eqqarsarlualaarit1

Juullip qaammataani sumiluunniit nereqatigiinnerpassuit, julefrokostit, ingerlanneqartarput, suliffeqarfinni, angerlarsimaffinni illoqarfimmi neriniartarfinni, tamakkulu assigisaanni. Ukiutoqaq ukiortaarlu aamma mininnagit.

Katsorsaavimmi, Qaqiffimmi, Nuummiittumi, katsorsaasoq, Ane Jeremiassen, nammineq imerajuttuusoq, oqarpoq, imerajuttut siunnersortanngikkaluarlugit kaammattortaritik, mianersuutassatik mianersuuteqqullugit, imminnut paaralutik, imerajuttuugaannimi suut paarisassaanersut namminneq naluneq ajormassuk.

-Inuk imerajuttoq ataasiinnartorsinnaanngilaq, aallartikkuni taamaatissinnaajunnaartarpoq, silaarunnissanilu tikillugu imersinnaalluni, Ane Jeremiassen nassuiaavoq.

Nangipporlu:

-Inummik tatigilluarsinnaasaminnik katsorsartereeraangamik attaveqarfeqartarput, tassa sponcoreqartarput, qaatusimajuassagunillu AA atorluartariaqarpaat, imigassartussanngikkunimmi tassa sakkussatuaat.