Imeq qalaattariaaruppoq

Nuussuup imeqarfiata ernga bakteriaarummat imeq qalaattariaaruttoq, uumasut nakorsaat oqarpoq.
aggustip 05-at 2008 14:32

Nuup ilaani Nuussuarmi imeq qalaateqqaartariaaruppoq.

Uumasut nakorsaat Pia Cordt Olsen ualigaa oqarpoq imermik misissuinerit kingulliit ippassarnisat paasinarsitikkaat Nuussuarmi imeqarfimmi imeq bakteeriaarussimasoq.

Pia Cordt Olsen aamma oqarpoq Nuummi imeqarfimmi, mittarfiup eqqaani imeqarfimmi kiisalu Nuup Qinnguani imeqarfimmi bakterissanik napparsimalersitsisinnaasunik nassaartoqarsimanngitsoq.

Pumpi klorilersuut aseroraluartoq, Nuussuarmi imeqarfiup erngata bakteriaqaleraluarneranut pissutaatinneqarpoq.