Assi: Niels J. Korsgaard

Imeq nukissiuutillu minguitsut: Inuussutissarsiuteqartut Europami nittarsaassisut

Imeq sermersuarmeersoq nukissiuutillu mingutitsinngitsut qarasaasiaqarfissuarnillu pilersitsisinnaaneq. Tamaakkuupput Kalaallit Nunaanni inussutissarsiutiunik suliaqartut, Københavnemi, Tysklandimi Frankrigemilu nittarsaassineranni saqqummiunneqartut.

Nunatsinni inuussutissarsiuteqartut pisortani atorfillit kiisalu pisinnaatitsissutinik piginnittut 50-it tungaanut amerlassuseqartut Danmarkimi, Tysklandimi Frankrigimilu inuussutissarsiuteqartut nittarsaassineranni annertuumi peqataapput.

Aallartitat maannakkut Tysklandimi Berlinimiipput tassani Tysklandimi takornariartitsinermik aamma sermimik/imermik suliaqartut arlallit qaaqquneqarput oqaloqatigineqarnissaannik taakkua Kalaallit Nunaanni takornariaqarnermik inuussutissarsiutinillu piukkunnaateqarsinnaasut oqaloqatigineqarlutik.

Nittarsaassinermi pingaarnertut sammineqassapput sermersuarmit nunatsinni erngup avammut nioqqutiginera, Kalaallit Nunaat takornariat tikiffissaattut, aamma Kalaallit Nunaanni qarasaasiaqarfissuarnik pilersitsisinnaanissaq siunertaralugu minguitsumik nukissiortarneq.

Aallartitat angalaneranni siuttuuvoq Inuussutissarsiuteqarnermut Naalakkersuisoq Jess Svane.

Nittarsaassillutik angalasut europami illoqarfissuarnut Berlinimut Parisimullu aallannginneranni

sermeq imerlu pillugit isumasioqatigiissitsinermi 2020-mi pissarsiarineqarsinnaalersussat akuersissuteqarfissatut sumiiffiit nutaat arlallit Naalakkersuisup Jess Svanep Københavnimi Kalaallit Nunaata Sinniisoqarfiani saqqummiuppai. 

AAMMA ATUARUK Nunatta ernganik nioqquteqarusuttut amerlasut

Saqqummiussinermi nunat tamalaanit sermimik/imermik suliaqartut, ambassadit, aamma maannakkut aammalu sermimik/imermik pisinnaatitsissummik piginnittuusinnaasut arlallit periarfissanik tusarniaallutik najuupput, Namminersorlutik Oqartussat aama allapput.

Kalaallit Nunaata ullua Berlinemi aamma Parisimi 

Naalakkersuisup Jess Svanep neriuutigaa, angalanerup Tysklandimi aamma Frankrigimi takornariartitsinermik iliuuseqarnerup nukittorsaqataaffigissagaa taakkuummata Kalaalllit Nunaannit isigalugu Europami takornariaqarnikkut niuffaffiusumi annerpaartaasut

AAMMA ATUARUK Nunanut allanut nioqquteqarnermi siunnersuisoqatigeeqalernissaq taperserneqartoq

Inuussutissartitigut nittarsaassinermut atatillugu Berlinemi Parisimi Kalaallit Nunaat pillugu ulloqartinneqassaaq.

Inuussutissarsiutit pillugit Naalakkersuisoq Jess Svane KNR-imit attaviginiarneqaraluarpoq tamannali iluatsinngilaq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat