Imeq bakteriaqartoq: Sarfannguarmiut imeq qalaateqqaassavaat

Sarfannguani imeq bakteeriaqarpallaartoq misissuinermi kingullermi uppernarsineqarpoq. Namminersorlutik Oqartussat taama ilisimatitsipput.
Allattoq Simon Uldum -
septembarip 27-at 2016 07:32

Taamaammat Sarfannguarmiunut inassutigineqarpoq erngup imerneqannginnerani allatigullu atunnginnerani qalaateqqaarneqassasoq.

Aammattaaq suliffeqarfiit inuussutissanik nioqqutissiortut suliffeqarfiillu allat peqquneqarput imeq qalaateqqaassagaat, tamannalu aamma tunisassiornermut/atuinermut atuuppoq.

Qalatsitsinissamik innersuut/peqqussut unitsinneqarumaarpoq, erngup ajoquteqarunnaarnera misissuinerit nutaat takutippassuk. Namminersorlutik Oqartussat taama nalunaaruteqarput.