Imeq annertoorujussuaq Tunumiit kuuppoq

Misissuinerup nutaap ersersippaa, imeq tarajoqanngitsoq 440 kubikkilometeri Tunumiit Atlantikumut 1999-imiilli kuussimasoq. Tassannga 440 kubikkilometerimit 60 procenti sermersuarmeerpoq, sinneri 40 procentit iigartartumit sermersuarmut atanngitsumeersuunngikkunik nittaallaniit imaluunniit sialunneersuulutik.

Aakkiartorneq ilimagisamit annertunerujussuuvoq, Silallu Pissusianik Naalagaaffiit Peqatigiinni paasisimasaqarluartut naatsorsueriaasianni tamanna ilaanngilaq.

-Siornatigut taama misissuisoqarsimanngilaq. Sermersuup sinaata imarpiullu akornanni iigartartumeersunik mikisunik angisuunillu sikoqarpoq, imerlu tarajoqanngitsoq annertoorujussuaq taakkunanngaaniit tassa kuuppoq. Taama oqarpoq ilisimatuut danskit-amerikamiullu pisortaat, ph. d. Sebastian Mernild. Inernerit kingulliit taakku tassa paasisaraat.

Sebastian Mernild Issittumi ilisimatuutut misissuiffimmi, University of Alaska Fairbanksimi, sulisuuvoq.