Imartatsinni mingutitsisoqariataassappat qanoq iliussaagut?

Kalaallit Nunaanni Sakkutooqarfiup Grønlands Kommandop suliassat Kalaallit Nunaannut attuumassutillit tamaasa isumagisassarai, imartatsinnulli mingutsitsisoqassagaluarpat taakku saliinissamut pisussaaffeqanngillat.

Kalaallit Nunaanni Sakkutooqarfiup Grønlands Kommandop suliassat Kalaallit Nunaannut attuumassutillit tamaasa isumagisassarai, imartatsinnulli mingutsitsisoqassagaluarpat taakku saliinissamut pisussaaffeqanngillat.

Tamakku pillugit Inatsisartut Nunanut Allanut Sillimaniarnermullu Ataatsimiititaliaat Kangilinnguanut Ivittuullu Kommuniannut paasisassarsiorluni angalaqqammerpoq, taakku paasiniarpaat Imarsiortunik sakkutuut sunik suliassaqarnerat.

- Ataatsimiititaliaminngaanniit pingaarnerpaatut paasisarput tassaavoq, avatangiisinut mingutitserujussuarsinnaanermut Grønlandskommandop suliassaa tassatuaammat nakkutilliineq, Josef Motzfeldt oqarpoq.

Erseqqissarpaalu nakkutilliisut saliinissamut pisussaaffeqanngitsut. Oqaluttuaraalu 1990-kkunni nunatta Danmarkillu akornanni isumaqatigiittoqarsimagaluartoq taama pisoqariataassagaluarpat saliisoqarnissaanut ataatsimoorussamik peqarnissaminnik.

- Ataatsimiititaliap paasisaa tassatuaavoq, umiarsualivinni uuliamik mingutitsisoqartillugu puttaqusersuilluni uuliamik siammatsaaliuisinnaaneq. Avataanili soorlu Davidstrædep eqqaani taama pisoqariataassagaluarpat piareersimasuuteqanngilagut, Josef Motzfeldt oqarpoq.

Nangilluni nassuiaavoq taama pisoqariataassagaluarpat atortussat Danmarkiminngaanneersut timmisartukkut nunatsinnukaateqqaartariaqassasut.

- Taamaattuminguna Naalakkersuisunit tamatuma eqeersimaarfigineqarnissaa kaammattuutiginiaripput, taakku paasiniartariaqarpaat Canadap nunatta Islandillu akornanni mingutitsoqassagaluarpat saliinissamut atortussat qanoq akeqarsinnaanerat paasiniassagaat. Imaluunniit atortussanik Danmarkip nunattalu peqarsinnaanerat nalilersortariaqaraat, Josef Motzfeldt oqarpoq.

Taassuma assersuutigaa, ippassiamikkunni umiarsuarsuup takornariartaatip Sikuijuitsoq kujallermi kivinera.

- Nunatsinni taamatut pisoqarsinnaanera eqqaaginnarutsigu annilaarnarpoq taamaattumillu pinaveersaartitsisoqartariaqarpoq, Josef Motzfeldt oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat