Imartaq Ualerngup Tarajui immap assiliulerpaat
Taamaaliortoqassaaq, nunat taakkua marluk imartaani Alaskap Canadallu avannamut killeqarfiata nalaaniittumi immap naqqata pissusaanik ilisimasaqarnerulersinniarlugit, taamaalillutillu immap naqqanut piginnittussaatitaanertik piumasarisinnaalerlugu.
-Imartaq suli misissorneqarsimanngilaq, uffa qaammatip assingi sukumiilluinnartut pigalutigit imartaq assiliorsimanngilarput, kaptajn Steve Barnum Amerikamiut imaanik misissuisut pisortaat The Globe and Mailimut oqarpoq.
Sikunik aserorterutit marluk, Louis St. Laurent Canadameersoq aamma Healy USA-meersoq immap naqqanik assiliussapput.
Sikunik aserorterutit suleqatigiissapput, aappaata sikumik aserorterinerani aappaa immap naqqata pissusaanik uuttortaassalluni.
-Ualerngup Tarajuanut ingerlaalerpugut sapinngisannguatsinnilu avannarparterniarluta, taamaaliornissatsinnullu atatillugu sikunik aserorterutit marluk atorfissaqartinneqarmata tupinnanngilaq, Paul Verhoef Natural Resources Canadameersoq oqarpoq.
Rusland manna tikillugu nunani kisiartaavoq Qalasersuaq tikivillugu anngussinnaasunikumiarsuarnik sikunik aserorterutaateqartoq . Umiarsuit Russit sikunik aserorterutaataat allat akuttunngitsumik takornarianit Sullualukkut, ingerlavikkut Canadap nammineq sineriattut pigisamisut isigisaanut, ingerlaarusuttunit attartorneqartarput.