Imarsiornermut Ilinniarfik Paamiuniittoq ilinniartussakilliorpoq
Naalaganngorniarfik matunissamut navianartorsiortoq, Imarsiornermik Ilinniarfimmi ukiuni 35-ini ilinniartitsisuusimasoq Erik Fleischer oqarpoq.
- Siorna atuartoraagut arfinillit, taava maannakkut qinnuteqartut arfinillit akornanni ataasiinnaq akuerisaalluni. Ilungersunartorujussuuvoq, aamma ittorput oqallattaalerami tassa naalaganngorniarfik Nunatsinniit Danmarkimut nuuginnarniaraat, tamaat 3.grad 1.grad-ilu. Kisianni uanga isuqataavallaanngilanga, 1. grad Danmarkimut nuussinnaavaat, kisianni 3. grad nunatsinniiginnartariaqaraluarpoq, nunatsinniit Danmarakimut atuariartortussat qallunaatut pisinnaarpanngitsut atuariartortalissappata kingunerisassaa takorloorneqarsinnaavoq.
Qanoq ilioqqissinnaavisi?
- Uagut atuarfimminngaaniit qanoq ilioqqissinnaanngilagut, tassani Naalakkersuisut aaliangertariaqassapput qanoq pisoqassaneranik. Aamma Naalakkersuisut soqutiginninnginnerat, tassa Imarsiornermik Ilinniarfik assersuutigalugu oqartuartarput aalisarneq tassaasoq nunatsinni inuussutissarsiutit pingaarnersarigaat, kisianni ilinniarfiup annertuumik aallunneqanngippallaarnera tassani aamma immaqa pissutaasimasinnaavoq, Erik Fleicher taama oqarpoq.
Naalagaanngorniarmimmi inspektøri Erik Fleischer aamma oqarpoq Imarsiornermik Ilinniarfik 1996-imi Nuummiit Paamiunut nuutsinneqarmalli ilinniartut ikiliartuinnavissimasut.