Imarpiup avannarliup ikaarniarnera ajornartorsiutigaat

Imarpik avannarleq ikiorteqaratik kano atorlugu ikaarinninniartut ajornartorsiuteqalerlutik iluatsitsinngitsuulerunarput.

Ullut 18-it matuma siorna kano atorlugu Siberiamiit aallarput, maannamullu taamaallaat kilumiiterit 50-it ingerlareerlugit. Aqqutaani siku pisuffigissallugu saappallaartarsimanngikkuni kano-mik ipuffigissallugu siku issuallaartarsimavoq.

Siku ingerlaffiat amerlanertigut imarmi nammineerluni ingerlaartarmat arlaleriarlutik sumunnarniarfimminnut ingerlaarneq ajorsimapput.

Angalatut tupermi sinitsillutik pingasoriarlutik nannumit saassunneqartarsimapput.

Angalatoorsuit pilersaarutitik allangortillugit sikuiuitsumut avannarlermut angalaniaannalerunarput, imaluunniit angalaniarnertik unitsilluaannarlugu.

- ulluni qaninnerni aalajangissavarput qanoq pissanerluta, angalatoorsuit oqaaseqartartuat oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat