Imarpik qulaallugu aqagu timmisartuussisoqassaaq

Islandimi innermik anitsisup arsakuisa ingerlaarnerannik maannakumuugallartoq eqqoriaanerit aalajangernermi aallaavigineqarnerat naqissuserneqarpoq. Eqqoriaanerit takutippaat timmisartuussinerit aqagu pisinnaasut, sisamanngornermili aamma tallimanngornermi Danmarkip Kalaallit-Nunaatalu akornanni timmisartuussinissat ingerlanneqarnissaat ilimasaarutit tulliuttut takutikkumaaraat.

Nunatta iluani aqagu angallannissat arlaqanngitsunnguit eqqaassanngikkaanni, ingerlaarfissat nalinginnaasut timmisartuussinermi atorneqassasut naatsorsuutigineqarpoq.u maajip ulluisa 25-anni ilaaniarlutik inniminniisimasut takkutiinnassapput, pisattaminnillu angalanissaminnut naapertuuttumik tunniussiartorlutik.

Ilaasussat ippassaq ullumilu taamatitsinermik nalaanneqarsimasut, Air Greenlandimit, sms, e-mail imaluunniit oqarasuaat atorlugu, aallarfissaq nutaaq pillugu attavigineqassapput.

Aammattaaq inassutigineqarpoq, pissutsit malinnaaffiginiaraanni Air Greenlandip nittartagaa: www.airgreenland.gl alakkarneqarsinnasoq.