Imaq kissarnerulerpoq

Kitaani imaq kissarnerulersimasoq, silasiorfiup DMI-p misissuinerisa inernerisa paasinarsisippaat.

Misissuinerni Pinngortitaleriffik suleqataasimavoq, paasissutissallu takutippaat, assersuutigalugu Nuup avataani Fyllas Bankemi imaq 2004-mi 1,5 gradimik nalinginnaasumit kissarnerusimasoq.

Immap kissarnerulerneranut pissutaatinneqartut ilagaat, imaq Tunup kujataaniittoq kitaaniittorlu. Imaq sarfamit issittumeersumit kiannerusumeersumillu aqunneqarpoq.

Imaq kiannerusoq tarajoqarneruvoq, nillertorlu issittumeersoq tarajukinnerulluni. Taakku ataatsimut ingerlaaleraangamik imminnut sunnertarput.

Aammali silaannaq atlantikup avannaaniittoq immap kissarnerulersimaneranut pissutaaqataavoq, silaannaq kissartoq nalinginnaasumit annerusoq kitaanut siorna anngussimammat. Taamaalilluni imaq kissarnerulersivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat