Politikki Ilinniarneq

IMAK: Meeqqat atuarfiat salliunneqartariaqarpoq

Ilinniartitsisut Meqqat Atuarfianneersut Kattuffiat IMAK aaqqissuussisoralugu Meeqqat atuarfiata nalilersorneqarnera aallaavigalugu ataatsimiinnerit ippassaq marlunngornermi naammassipput.

Allattoq Peter Bye Andersen, Ivik Kristiansen

apriilip 22-at 2015 12:17

Meeqqat atuarfiata ineriartornissaanut tunngaviusumik suliniutimut ilinniartitsisut kattuffiata innersuussutai ataatsimiinnermi saqqummiunneqarput.

Meeqqat atuarfianni atuartut eqqissiviilliortunik isumaginnittussanik sulilertitsineq, atuaqatigiinni meeqqat 18 sinnissanngikkai, atorfimmut atatillugu ineqartitsinissap ajornannginnerulernissaa ataatsimiinnermilu Sulissutissatut aaliangiunneqartut piviusonngortinnissaannik isumaginnittussanik pilersitsinissaq, IMAK-imit ilaatigut siunnersuutigineqarput.

Aamma atuaruk Nivi Olsen: Ilinniartitaanermi sipaartoqarniarnera atuarfiit ingerlannerannut sunniuteqarnavianngilaq

Siunnersuutit piviusunngortinneqassappata aningaasaliiffigineqartariaqarput, Nunarpummi aningaasaqarnikkut akunnattooqqavoq.

Taamaakkaluartoq meeqqat atuarfiat salliunneqartariaqartoq, IMAK-imi siulittaasoq Sivso Dorph isumaqarpoq.

- Holddelingstimenut massakkut atorneqartartut, taakkununnga atorneqarsinnaasut isumaqarpunga. Naalakkersuinikkut sulialittatta atuarfimmik pingaarnerutitsinertik kommunini tamani ingerlattariaqaraat aamma isumaqarpunga, Sivso Dorph oqarpoq.