Ilinniarneq

IMAK-ip Qaasuitsup Kommunia inatsisinik unioqqutitsinerarlugu pisuutikkaa

- Qaasuitsup Kommuniata aningaasarliornera meeqqanut akilersinneqassanngilaq! Ilinniartitsisut kattuffianni IMAKimi siulittaasoq Sivso Dorph tusagassiuutinut ullumi taama allagaqarpoq; tassani Qaasuitsup Kommunia ukiumut atuarfiusussamut nutaamut pilersaarusiornermini inatsisinik unioqqutitsinerarlugu pisuutippaa.
Allattoq Karsten Sommer
juunip 11-at 2015 04:22
Nutserisoq Elisa Isaksen

Kommunimi nunaqarfinni illoqarfinnilu mikinerusuni akunnerit atuartitsiviusussat 15 procentimik ikilisinneqarnissaat pilersaarutigimmassuk, IMAK-ip tamanna akuererusunngilaa.

Pilersaarut atuarfimmi inatsisinik unioqqutitsineruvoq, taamaakkaluartoq kommunip pilersaarutini piviusunngortinniarpasippai, tassalu atuartut  atuartussaatitaanerannut naleqqiullugu akunnerni ikinneerarsuarni atuartittarniarlugit, Sivso Dorph allappoq.

Ilinniartitsisut kattuffiata marsip aallaqqaataannili Qaasuitsup Kommunia attaveqarfiginiarsimagaluarpaa, IMAK-illi saaffiginnissutai kommunip akisarsimanngilai.

Taammaattumik Sivso Dorphip tusagassiuutinut allakkamini erseqqissarpaa Qaasuitsup Kommuniata pilersaarutai akuerineqarsinnaanngilluinnartut, IMAK-illu Qaasuitsup Kommunia kommunit nakkutilliisoqarfiannut saaffiginnissutigigaa.

- Qaasuitsup Kommuniata aningaasameernera meeqqat atuartut akilissanngikkaat, Sivso Dorph erseqqissaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq

Ilinniarneq

Politikerit ukiorpassuarni massa akerliusut Upalungaarsimanermik ilinniarfittaami aallartikkusuttorpassuaqartoq