Assi: IMAK

IMAK-imit ernumasoqarpoq

Tuluit oqaasiisa allamiut oqaasiisut siullertut 2018-imit inissisimalernissaannut Naalakkersuisut siunnersuutaat, Ilinniartitsisut Meeqqat atuarfianneersut Kattuffiata, IMAK-ip, tupigusuutigaa.

IMAK-ip siulittaasua Karl Frederik Danielsen tusagassiuutinut nalunaarummi taama ilaatigut allaaserisaqarpoq.

Tuluit oqaasiisa meeqqat atuarfianni taama inissisimalernissaannut Naalakkersuisut meeqqat atuarfianni soqutigisaqartut oqaloqatigeqqaarnagit ullulereermassuk Karl Daniel Frederiksenip tupigusuutigaa.

Aamma atuaruk IA Siumullu: Tuluit oqaasii takornartat oqaasiini sallersanngornissaannut piareersimanngilagut

Tuluilli oqaasii atuartitsinermi aamma 2018-imi atorneqalernissaat Naalakkersuisut siunnersuutigimmassuk IMAK-ip tupigineruaa, tuluttummi atuartitsisoqartalissappat, atuartitsinermi oqaaseq, assersuutigalugu matematikkimi, inuiaqatigiilerinermi, fysikkimi assigisaannillu taava atorneqartalissaaq, taamaassimassappallu unammilligassarpassuaqassasoq, Karl Frederik Danielsenip oqaatigaa, ilinniartitsisussaaleqisoqarneralu eqqaasitsissutigalugu:

- Qanoq ilillugit ilinniartitsisut atorneqartussat qulakkeerniarneqarpat? Ullumikkut atuartitsisut 1100-t missaannit 100-t missarpiaat nunanit allaneerput, amerlanerit Danmarkimit. Ilisimaneqanngilaq taakkunannga qassit tuluttoornermik tuluttullu atuartitsisinnaanersut, IMAK-ip siulittaasua allappoq, nangillunilu:

- IMAK-ip siulersuisuia aarleqqutigaat, ilinniartitsisut kalaallit pinngitsaalillugit atuartitsisinneqalissasoralugit tamatumunnga piumasaqaataasut naammassisimanngikkaluarpataluunniit, Karl Frederik Danielsen ilaatigut allappoq.

Aamma atuaruk Ilisimatooq: Tuluit oqaasiisa piorsarsimassuserput sunnissavaat

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat