- Uippakajaarnermik nalaataqartut nalaataqarsimasullu pingajorarterutingajaannaat qaangiinissamut sulisitsisuminnit ikiorserneqarsimanerat naammaginanngilaq, IMAK-ip siulittaasua oqarpoq.Assi: IMAK

IMAK: Ilinniartitsisut sisamaagaangata ataaseq uippakajaarnermik eqqugaasimasutut ersiuteqartarpoq

IMAK-ip ilaasortami uippakajaarnermik eqqugaasimasutut ersiuteqartut amerlavallaarnerat ernummatigaa.

Ilinniartitsisut Meeqqat Atuarfianneersut Kattuffiat, IMAK, uippakajaarneq pillugu misissuisitseqqammerpoq. Tassani ilaasortat 446-t apeqqusiorluni misissuisitsinermi peqataapput, taakkualu 23 procentiisa missaat uippakajaarnermik minnerusumik annerusumilluunniit eqqugaasimasutut ersiuteqartut ersiuteqarsimasulluunniit erserpoq.

Tassa imaappoq, kattuffimmi ilaasortat sisamaagaangata ataaseq eqqugaasartoq, IMAK tusagassiuutinut nalunaarpoq. 

Pingajorarterutingajaannaat suliffimminnit uippakajaanermik eqqugaanerminnik qaangiinissamut iliuuseqarfigineqarsimasut, misissuinermi erserpoq.

IMAK-ip siulittaasuata, Birthe Møller Therkildsenip, kommunit atuarfiillu uippakajaarnermik eqqugaasunut ikiorsiinermik ukkassinerunissaannut kajumissaarpai.

- Uippakajaarnermik nalaataqartut nalaataqarsimasullu pingajorarterutingajaannaat qaangiinissamut sulisitsisuminnit ikiorserneqarsimanerat naammaginanngilaq, Birthe Møller Therkildsen oqarpoq.

- Ilaasortatsinni taama amerlatigisut suliffimminni ilungersornerat ernumanarpoq. Tamannalu iliuuseqarfigisariaqarparput, sulisitsisullu sullivimmi atukkat pitsaasuunissaat uippakajaarnermillu eqqugaasartut ikinnerulernissaat qulakkeerumallugit akisussaassuseqarnerulernissaannut kajumissaarpakka.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat