Ikiorsiissutit takornariartitsinernik ingerlatsisartunut, soorlu Arctic Umiaq Linemut, Disko Linemut, Maniitsoq Tour Boatsimut, Nuuk Water Taximut Air Greenlandimullu tunnganerupput.

Imaatigut silaannakkullu: Corona ilungersunartorsiortitsinerani ikiorsiissutit nutaat nunatsinni billetsinut akikinnerulersitsisoq

Angalanissamut ikiorsiissutit nutaat atuutilersut aqqutigalugit nunatta iluani angalaneq akikinnerulersinneqarpoq. Sulisitsisut ”isumaqatigiissutitsialaanerarpaa”. Tassa taamaaliortoqartariaqartoq, pisortaq oqarpoq.

Immakkut silaannakkullu angallassisartut septembari ilanngullugu ikiorsiissutinik qinnuteqarsinnaapput, taamaalillutik nunatta iluani angalanissamut billetsinik neqerooruteqarsinnaalissallutik.

Takornariaqarnermik suliaqartunut ikiorsiissutit pillugit naatsumik:

* Naalakkersuisut takornarialerisunut ikiorsiissutit qaammat kingulleq saqqummiuppaat.

 

* Ikiorsiissuteqartoqarnerani akunnittarfiit takornariartitsisullu aasaanerani unnuisunut takornariartitsinernullu COVID-19-imik neqerooruteqarsinnaapput.

 
* Assersuutigalugu akunnittarfiit unnuisoqarneranut 500 koruunit tikillugit ikiorsiissuteqarfigineqarsinnaapput.

* Angallannermut ikiorsiissutit nutaat tassunga tapertaasutut taaneqarsinnaavoq.

Tusarfik: Naalakkersuisut

Naalakkersuisut angalanissamut ikiorsiissutinik aaqqissuussineq nutaaq saqqummiuteqqammerpaat.

Ikiorsiissutit takornariartitsinernik ingerlatsisartunut, soorlu Arctic Umiaq Linemut, Disko Linemut, Maniitsoq Tour Boatsimut, Nuuk Water Taximut Air Greenlandimullu tunnganerupput.

Nunatsinni najugaqartut nunatsinni akikinnerusumik angalasinnaanissaat siunertaavoq.

Assersuutigalugu Disko Linemut ilaasut 35 procentinik akikinnerusumik angalasinnaalissapput. Billetsisereersimanngitsut akikilliliivigineqarsinnaasut suliffeqarfiup tusagassiutinut nalunaarummi oqaatigaa.

Assersuutigalugu Qaqortumiit Nanortalimmut 291 koruuninik akikinnerulerpoq - akit allannguutaat uani ataani takukkit:

 

AAMMA ATUARUK Hoteldirektør om ny hjælpepakke: Rabat er godt, men ikke nok        

Air Greenlandip akit nutaat akikinnerusullu aamma neriorsuutigai. Akit nutaat juulip ulluisa 29-annit aggustip ulluisa 4-aat ilanngullugu atuutissapput, angalanerlu aggustip ulluisa 4-aannit septembarip 30-at ilanngullugu naammassineqassaaq. Assersuutit uani ataani takukkit: 

 

Akunnittarfiit, neriniartarfiit inuussutissarsiorfiillu allat corona pillugu ilungersunartorsiorfimminni ikiorsissutinik aaqqissuussineq nutaaq aqqutigalugu aamma tapersersorneqassasut naalakkersuisut aamma neriuutigaat.

Suliniut nutaaq Sulisitsisut, sulisartut peqatigiiffiata SIK-p, sulisartut peqatigiiffiata Nusukap aamma aalisartut piniartullu kattuffiata KNAPK-p oqatigineqareerneratigut pilersinneqarpoq.

Sulisitsisut angallannermut neqeroorut pillugu: Tassa taamaaliortoqartariaqarpoq

Isumaqatigiissutitsialaasoq, Sulisitsisuni pisortaq, Brian Buus naliliivoq.

Sulisitsisuni pisortap, Brian Buusip ikiorsiissutit nutaat isumaqatigiissutitsialaanerarpaa.

- Takornarialerinermut ikiorsiissutinik pilersitsinitsinniilli illoqarfinniit illoqarfinnut angallannermut aningaasartuutit akikisut ilaqutariinnullu akisoorujussuusinnaasoq oqaatiginikuuarput.

- Maanna neqerooruteqarfigineqangaatsiarnissamut periarfissanippugut.

Taassuma oqarnera naapertorlugu tamanna tassa nunatsinni takornariaqarnermik ingerlatsinissamut pisariaqartoq.

AAMMA ATUARUK Inuussutissarsiornermut ikiorsiissutit nutaat takornarialerisunut tapersiissasoq

- Ikiorsiissutaalluarsinnaavoq. Piffissap angallaviusartup ilaa qaangiuppoq, kisianni suli periarfissaqarput, ilaat allanit kingusinnerusukkut suliffeqartarput.

- Taamaammat neriuppugut nunatsinni sumiiffinnut assigiinngitsunut angalanissamut periarfissaalluartunik suli takunnittoqarsinnaassasoq, Brian Buus oqarpoq.

Naalli aasaanerani sulinngiffeqartoqartarnerata ilarujussua qaangiukkaluartoq billetsit neqeroorutaanera iluaqutaalluassasoq, pisortap nalilerpaa:

- Neqeroorutit aallaqqaataaniilli atuutsilersimagaluarunik pitsaanerungaatsiassagaluartoq qularnanngilaq. Inuussutissarsiortunut ikiorsiissutit ataasiakkaarlugit suliarisariaqarsimavagut.

- Qujanartumillu maannakkut inissipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat