TelePost: Imaatigut kabeli qaqinneqarpoq
Atuisunit naammagittaalliornerpassuit. Kinguaattoornerit eqqunngitsuliorfigitinnerillu. (Fake news)
Imaatigut kabelip Sisimiut kujataatigut kittorarnerata aaqqissuunneqarniarneranut aqqut imaannaanngilaq.
Suliarli massakkut siumukarfiulerpoq. Tassami umiarsuaq aaqqissuiartortoq Horizon Enabler apuuffissaminut apuuppoq imaatigullu kabeli nanineqareerpoq kittorarfialu qaqinneqareerluni.
Januaarip 22-at 2019: Imaatigut kabeli Sisimiut kujataanni ajoquteqartoq TelePostimit qularnaatsumik paasineqarpoq
Januaarip 25-at 2019: Tele-Post ajornartorsiornermi isumannaallisaanermut suleqatigiinnik atulersitsivoq
Januaarip 29-at 2019: Umiarsuaq imaatigut kabelilerisussaq Horizon Enabler avalangajalerpoq
Januaarip 19-iat 2019: Umiarsuaq nunatsinnut aallarpoq
Februaap 27-at 2019: Umiarsuaq silapilunnerup kinguartippaa
Marsip arfernat 2019: Horizon Enabler Nuummut tulappoq
Marsip qulingiluaat 2019: Umiarsuaq imaani kabelilerisussaq Sisimiunut aallarpoq
Marsip qulingat 2019: Imaatigut kabelip kittorarfia qaqinneqarpoq
Najoqqutaq: https://telepost.info/
- Umiarsuup imaatigut kabelip kittorarfia immap naqqaniit maanna qaqippaa, suliarineqarneralu ingerlallualeruttorpoq, Tele-Postimi attaveqaqatigiinnermut sulisoq, Paarnaq Hansen oqarpoq.
Qaqugu naammassinissaa ilisimaneqanngilaq
Ajoqutaa qanoq angitiginersoq ilisimaneqanngimmat, suliap qaqugu naammassineqarnissaa taassuma suli oqaatigisinnaanngilaa.
TelePostip avannaani atuisui ukiup aallartilaarneranili internetip arriillineranik eqqugaaqqapput.
