Imaatigut attaviup ajoquteqarnera kimmut sineriammik attavilutsitsisoq

Kimmut sineriammi illoqarfiit nunaqarfiillu arriitsuararsuarmik internetimut attaveqarput. Tamanna Telemi teknikerit ataasinngornermi ullup qeqqata missaani paasisaannik, tassa Maniitsup avannaani imaatigut attavimmi ajutoortoqarneranik pissuteqarpoq.

Ajoquteqartoqarnera pissutigalugu  Maniitsumiit Kullormuarmut illoqarfinni nunaqarfinnilu internetti arriitsuararsuuvoq. Oqarasuaatitigullu attaviit aamma ajorsisarsinnaassasut, Tele ilisimatitsivoq.

- Ajoquteqalernerup peqqutaa sumilu ajoquteqartoqarnera suli ilisimaneqanngikkallarpoq, teknikerillu ajornartorsiut misissuiffigileruttorpaat, teknikeqarnermut IT-qarnermullu pisortaq Jonas Hasselriis oqarpoq.

AAMMA ATUARUK Telepost umiarsuarmik aaqqissuiartortussamik suli nassaanngitsoq

Telemit teknikerinik timmisartumik sumiiffimmukartoqartoq Telep KNR-imut oqaatigaa.

Maniitsup avannaani illoqarfiit nunaqarfiillu kisimik ajoquteqassanngillat. Ajoqutaasup aaqqiiffiginiarnera pissutigalugu nunatsinni tamarmi oqarasuaatitigut internetimullu attaveqaatit sivikitsumik kipisarsinnaassapput.

AAMMA ATUARUK Islandimut imaatigut kabelip attavia ajoquteqartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat