Imaatigut angallannermi ajunaartartut ikilisinniarneqalerput
Taamaalillutillu umiarsuit taakkualu inuttaasa nunanit allaneersut Nunatsinni angalanermik misilittagaqarnerminnik pinngitsooratik uppernarsaasalertussanngorput.
Attaveqarnermut Aqutsisoqarfimmi allaffimmi pisortaq Line Riis oqarpoq ullumikkut nunatsinni imarsiorneq isumannaatsuugaluartoq, kisiannili iluassagaluarnerarlugu umiarsuaatillit Nunatta imartaani angalaneq pillugu eqqarsaatiginnilluaqqaartaleraluarpata.
- Nalunaarut nutaaq pilersipparput, taamaalilluta umiarsuit Nunatsinnukannginnerminni pinngitsooratik uppernarsartalissamassuk, nunatsinni umiartorneq misilittagaqarfigigitsik. Nalunaarut umiartortut nunatsinnukartussat eqqarsartaasaannik allanngortitsisinnaassasoq neriuutaavoq, Line Riis oqarpoq.
- Umiartortut sungiusimasaminnit allaanerujussuit tikittarpaat, maanimi sikoqartarnera silallu pissusaa allarluinnaasoq siumortarpaat.
Isumannaatsumik angalasoqartalernissaanut nalunaarusiaq allanngortitsillunilu iluaqutaajumaartoq neriuutaavoq, Line Riis oqarpoq, erseqqissarlugulu umiarsuit sivikitsuinnarmik sinerissami angalasartut maanna pinngitsooratik nunatsinni umiartornermik misilittagaqarnertik uppernarsartalissagaat.
Imarsiornermut Qullersaqarfik, Attaveqarnermut Aqutsisoqarfik suleqatigalugu, nalunaarut juulip aallaqqaataaniit atuuttussanngorlugu suliaraat.
- Arlaatigut imaatigut ajutoortoqarnerani ajunaartoqarneraniluunniit umiarsuit qanoq iliuuseqarnissartik ilisimalissagaat neriuutaavoq. Nalunaarusiaq Kalaallit Nunatta imartaani isumannaallisaanerup pitsaanerulernissaa neriuutaavoq, taamaalilluta toqukkut qimagunnermik kinguneqartitsinnginniassagatta, Attaveqarnermut Aqutsisoqarfimmi allaffimmi pisortaq Line Riis oqarpoq.
