Imaatigut angallanneq kinguaattoorfiussaaq

Arctic Umiaq Line-p ilaasartaataasa ilaat, Sarpik Ittuk, motoriminik aserortoormat, imaatigut angallanneq sapaatip akunnerata tullia ilanngullugu kinguaattoorfiusinnaavoq. Taama ilisimatitsivoq Arctic Umiaq Linemi angallannermut pisortaq, Jette Larsen.

Ilaasartaat Nuup Uummannallu akornanni angallassisartoq maanna Nuummi talittarfimmiikkallarpoq. Sarpik Ittuk ippassaq unnukkut aallartussaasimagaluarpoq, motooriminili toppakninngiiarami ingerlariaqqissinnaajunnaarallarpoq.

Jette Larsen oqarpoq, atortup aserornikup taarserniarnera ullut marlunnik/pingasunik sivisussuseqarsinnaasoq.

Ilaasut untritillit arlallit kinguartoornermit eqqugaapput, taakkulu Arctic Umiaq Linemit taarsiiffigineqarnavianngillat.

Massakkulli allatut aaqqiisoqarpoq. Tassa Taekwondortartut 30-it Maniitsumiit ingerlariaqqinnaveeqqapput. Nunatsinni pissartanngorniunnermut taakku peqataaqqammerput, avannamullu ingerlaqqittusasagaluarlutik.

Timersortartut taakku nerisassat tungaatigut ikiorneqarput, aamma siniffissaqartitaallutik.