Imaani angallanneq isumannaannerusoq

Kalaallit Nunaanni imarsiornerup isumannaatsuunissaa eqqarsaatigalugu Imarsiornermut Qullersaqarfik, Attaveqarnermut Aqutsisoqarfik suleqatigalugu, nalunaarummik suliaqarpoq.
juulip 14-at 2009 05:39

Nalunaarut arlalinnik siunertaqarpoq, umiarsuarni Kalaallit Nunaata imartaani angalasuni inuit isumannaassusaannik pitsannguisussanik imaqarluni.

Umiarsuit assartuutit, aamma angallatit ilaasartaatit aqqaneq-marluk sinnerlugit ilaasoqarsinnaasut, nalunaarummi pineqarput. Angallatit taamaattut - kalaallinit nunaniluunniit allaneersunit pigineqaraluarunik - sømilinut pingasunut killeqarfiup iluanut pinerminni sillimanissamut maleruagassat sakkortussusisat taakku erngerlutik ilaatigut malittussaavaat, tassa siunissami uppernarsarsinnaassallugu umiarsuup aquttuata imartamik naammattumik ilisimasaqarnera.

Tamatuma saniatigut imartani ikkarluppassualinni, aamma imartani uuttortarneqarsinaanngitsuni, sillimanissamut maleruagassat malillugit iliuuseqartoqartillugu aatsaat angalasoqarsinnaalissaaq - taakkununngalu sikusiornermi siumortaatinik atuinissaq ilaavoq.

Umiatsianik annanniutinik ammasunik atuineq aamma atorunnaarsinneqarpoq. Tamakku aappaagu 2010-mi decembarip ulluisa 31-at tikitsinnagu umiatsianik annanniutinik matoqqasunik taarserneqareersimassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq