Imaani angallanneq isumannaannerusariaqarpoq

Imaani angallanneq pillugu isumannaallisaanerit inatsisitigut sukaterneqarnissaat partiinit assigiinngitsunit siunnersuutigineqartarsimapput, inatsisilli allanngortinneqarnissaannut inatsisartut pisinnaatitaaffeqanngimmata, siunnersuutit itigartinneqartarsimallutik. Taarsiulluguli paasisitsiniaanerit aqqutiginiarneqartarput.

Inatsisit maanna piusut sukaterneqartariaqarput,Ane Hansen IA-meersoq oqarpoq.

- VHF-imik radioqarnissaq, atisartakkanik puttaquteqartalernissaq, kalerrisaaruteqarnissaq, isumannaalisaanermullu atortut allat pigineqartalernissaat piumasaqaataalissasoq, Ane Hansen oqarpoq.

Imaanili angallannermi natsisit imaaliallaannaq allanngortinneqarsinnaanngillat, oqartusaaffik danskit naalagaaffianiimmat.

- Nunatsinni imaani angallannerup isumannaannerulernissaannik aqqutissiuunneqaqqullugit Naalakkersutta Qallunaat naalakkersuisuinut piumasaqaatigisariaqaleraat isumaqarpugut. Danmarkimi nunatsinnilu imaani pissutsit assigiinngitsorujussuupput, taamaattumillu nunatsinnut naleqqussaasoqartariaqarpoq, Ane Hansen naggasiilluni allappoq.