Imaaliallaannaq misissuiffigineqarsinnaanngillat
Kalaallit Nunaanni Timmisartorneq pillugu qullersaqarfimmiit CIA-meersut inatsisinik unioqqutitsillutik tigusanik sakkunilluunniit angallassinersut misissornissaannut pisinnaatitaanngillat. Politiit aamma soriarsinnaanatik nalunaarput.
Kalaallit Nunaanni mittarfinnut mittartut killeqarfiulluunniit iluatigoorlutik timmisartortut politiit suliassaannut ilaanngillat, Timmisartornerli pillugu qullersaqarfiup suliassaasa ataaniimmata taakkununnga saaffiginnitariaqassaasi. Politiit mittarfinni suliassaat Schengenimi isumaqatigiissutit naapertorlugit ingerlanneqartussaapput. Chicagomilu isumaqatigiissutaasimasut naapertorlugit timmisartut sumulluunniit minniarunik akuersissummik pisariaqanngillat, Kalaallit Nunaanni politiit pisortaat, Steen Thomsen oqarpoq.
Chicagomili 1947-mili isumaqatigiissusiaq naapertorlugu naalagaaffinniit sorlerniilluunniit pisortatigoortumik angalallutik naalagaaffimmut ornitaminnut pisortatigoortumik nalunaartussaapput, timmisartunili uani pineqartuni qanoq iliuuseqarsinnaaneq nalunarpoq, timmisartummi atorneqarsimasut inuinnaat timmisartuutigisimavaat CIA-millu attartorneqarneri takuneqarsinnaanngilluinnarluni.
Atassummiit naalakkersuisunut ullumi apeqqutigineqarpoq Kalaallit Nunaanni mittarfinni sillimaniarneq naammannersoq, apeqqutilli soorlu CIA-meersutut nunat tamat isumaqatigiissusiaannik unioqqutitsinerunersut misissorneqarsinnaallutillu unitsinneqarsinnaassanersut suli tutsuiginartumik akineqarsinnaanngikkallartussaassagunarput.
Inatsisartuni ilaasortap Josef Motzfeldtip
Mittarfeqarfinni nakkutilliinerunissaq Naalagaaffiup taamatullu Kalaallit Nunaannilu mittarfeqarfiinut kajumissaarutiga, taamaaliornikut parnaarussanik timmisartunik angallassisarneq untsinneqassammat.
Timmisartut mittarfinnut aqqusaartut tigusanik ilaasoqarnersut sakkunilluunniit useqarnersut
Kalaallit Nunaanni Mittarfeqarfiit pisortaata soqutiginngitsutut immagit tupinnaqaaq, Josef Motzfeldt allappoq.
