USA-mi aappassarsiortarfiit ilaanni eHarmony-mi, aappassarsiorusulluni saaffiginnissimasoq, inatsisileritooq John Claassen, aappassarsiuukkumaneqannginnami, aningaasanik taarsiiffigitinniarluni eqqartuussivimmut tunniussivoq.
Inatsisileritooq 36-nik ukiulik isumaqarpoq assigiinngisitsisoqartoq, taamaammallu aningaasanik 12.000 dollarinik eHarmony-mit taarsiiffigeqquvoq, taama aviisi Pittsburgh Tribune allappoq.
Taarsiiffigitissinnaanissarli ilimagissanngikkaa oqaatigineqarpoq, tassami angut 36-nik uikiulik suli nuliaqarluni aappassarsiuisarfimmut saaffiginnissimammat.
Qaammatialunnguilli qaangiuppata angut 36-nik ukiulik avissimassammat, aatsaat arnaatissarsiuunneqarsinnaalerumaartoq, aappassarsiuisarfik eHarmony oqarpoq.