Ilulissat unnuaani arpannissaq

Tallimanngornerup unnuaani nalunaaqutaq aqqanernut Ilulissani arpannissaq ”Arctic Midnight Orienteering” aallartissaaq.
Allattoq Peter Troelsen, Salome Hansen
juunip 20-at 2012 08:48

Nunatta avannaani pinngortitarsuarmi kusanartumi arpaffissaq unnuamilu inoqarfiuallaanngitsumi pisussaq, arpattartunut misilittagaqareersunut aaqqissuussaavoq. Arpaffissallu 5 kilometerimit 19,8 kilometerit tikillugit isorartussusseqarput.

Tallimanngornerulli unnuaani arpannissaq sioqqullugu ullumi pingasunngornermi Ilulissani arpalluni avannaani pissartanngorniuttoqassaaq, aqagulu sisamanngornermi Inuiattut ullorsiornermi aamma arpatsitsisoqassalluni.

Tamatumani arpaffissat inuusuit utoqqaanerusullu arpaffigisinnaasat assigiinngitsunik takisusseqarput.

Arpannissamik aaqqissuussat ulluni tulleriinni pingasuni pisussat naggaserlugit arfininngornermi Ilulissat Timersortarfiani naggataarnersiortoqassaaq, naggataarnersiornermilu peqataasut akissarsiassaannik agguaasoqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq