Assi: Qaasuitsup.gl

Ilulissat ukiut 275-inngorlugit nalliuttorsiortoq

Ilulissat illoqarfittut tunngavilerneqarneranit ukiut 275-nngornera malunnartillugu nalliuttorsiutigineqarnera Qaasuitsup Kommuniani tallimanngorpat sapaatip akunnerani tullermi aallartissaaq.

Illoqarfiup nalliuttorsiutigineqarnera rådhusip saavani ullaakkorsioqatigiinnermik aallartinneqassaaq. Tamatuma kingorna Hinnarik aamma Maalia meeqqanut tusarnaartitsissallutik.

Illloqarfiup nalliuttorsiutiginerani pilersaarutit ilaatigut tassaapput, tusarnaartitsinerit, timersorluni unammisitsinerit,  Nunaqarfimmik Uummaarissumik saqqummersitsineq kiisalu kransiliinerit.

Illoqarfik Ilulissat 1741-mi niuertoqarfittut tunngavilerneqarpoq, niuertumit Sæby-meersumit Jacob Severinimit.  Taassuma atia Ilulissat qallunaatut taaguutigisimasaanut Jakobshavnimut  aallaaveqarpoq.

Aamma atuaruk Qaasuitsup Naalakkersuisut akiligassaq pillugu oqaloqartigiumagai

Illoqarfiup  nalliuttorsiutigineqarnera pisortatigoortumik tassaavoq pingasunngorneq aggustip ulluisa pingajuat.

Nalliuttorsiorneq aallartinneqassaaq oqalugiarnernik tassani oqalugiassallutik,  Qaasuitsup Kommuniani borgmesteri Ole Dorp, Naalakkersuisut siulittaasuat Kim Kielsen aamma Inatsisartut siulittaasuat Lars-Emil Johansen.

Erfalasulerluni ingerlaaqatigiittoqassaaq, operamik erinarsortartoq Josef Josefsen Zionip oqaluffiani tusarnaartitsissaaq. Kingorna Borgmester Ole Dorph illoqarfimmut tunissut tamanut saqqummiutissavaa,  Ilulissat timersortarfiani qaaqqusat peqatigalugit nerersuaaqatigiinneq sioqqullugu, nerersuaaqatigiinnermi Piitannguaq Alaufesen aliikkusersuisuussaaq.

Aamma atuaruk Illorsuassaq takornariartitsinerup ineriartortinneqarneranut pingaaruteqarluinnartoq

Qaaqqusanut ilaapput Ilulissat illoqarfittut ikinngutaani, Fredericiami kommunalbestyrelseani ilaasortat.
Fredericia Ilulissallu ukiut 40-it sinnerlugit illoqarfittut ikinngutigiipput.

Aggustip ulluisa pingajuanni illoqarfik pisortitagoortumik nalliuttorsiussaaq.

Ilulissat timersortarfiani tallimanngornermi arfininngornermilu tusarnaartitsisoqassaaq, nipilersortartut Disco Bay Blues, H.E.J, Thornestones aamma Nukaaraq Kristensen kiisalu Gert Kristensen tusarnaartitsissallutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat