Ilulissat sikullu umiarsuit kinguaattoortittarpaat

Siorna ukioq mannalu kitaata sineriaata avataa sermip sikuanik ima akoqartigisimavoq umiarsuarmik assartuinermut allaat ajornartorsiutaasimalluni, umiarsuillu kinguaattoornerinik kinguneqartarsimalluni. Gert Bjerre, Royal Arctic Line-ip assartuutaani Irena Arcticami naalagaasoq DMI-p nittartagaanut taama oqaluttuarpoq.

Siorna ukioq mannalu upernaakkut aasakkullu Ilulissat paavani ukiut siuliinit aninernik sikoqarnerusimaqaaq, Irena Arcticap naalagaa oqaluttuarpoq.

- Sermip sikua aserorteruminaaqaaq, aamma umiarsuit sikunik aserorterutaasinnaasunit aserorteruminaanneroqaluni, Gert Bjerre oqaluttuarpoq.

Umiarsuillumi assartuutit sermip sikua siumoraangamikku allatut ajornartumik arriinnerusumik ingerlaartariaqalersarput.

- Taamaammat assartukkat kujataani Nanortalimmiit avannamut Ilulissanukartut kinguaattoorajuttarput, ilaatigullu sapaatip-akunnera angullugu kinguaattoortariaqartarlutik, Gert Bjerre oqarpoq.

Internetili qujanartumik sakkussaalluarsimavoq, tassami taanna periarfissaasimanngitsuuppat kinguaattoortarnerit suli sivisunersussagaluarmata, Gert Bjerre oqarpoq.

- Sikunik alapernaarsuiffiup qulimiguullit atorlugit alapernaarsuisimaneri internetimi ingerlaannaq takuneqarsinnaalernerat uagutsinnut iluaqutaaqaaq, Irena Arcticami naalagaq Gert Bjerre oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat