AVANNAATA QIMUSSERSUA Ilulissat peqataassanngilaq

Avannaata Qimussersuup oqaluttuarisaanerani siullerpaamik Ilulissat anngunniuteqataanngitsoorpoq. Qimmit nappaalanerat kingunerisaanik Ilulissani qimmit 1.200-sut mattussaammata tamanna pivoq.
Saattut - Uummannaq Assi © : Dorthe Jensen, Saattut
marsip 30-at 2016 16:20

- Soorunami Qimussersami assorujussuaq ajuusaarutigaarput. Paasilluarsinnaavarali Ilulissat qimminik nappaaluttoorfiunera pissutigalugu taamatut mattussaammat, Ilulissani Qimussersami siulittaasoq Ville Siegstad oqarpoq.

Aamma atuaruk Qimmit Ilulissaneersut peqataasinnaajunnaarput

Aamma atuaruk Avannaata Qimussersuaartoqarnerani meeqqat inersimasullu unammeqataassapput

Qimmit nappaalanerat kingunerisaanik Kalaallit Nunaanni Qimussertartut Kattuffiat, KNQK, aalajangerpoq Qeqertarmiut Iluliarmiullu Avannaata Qimussersuanut Uummannami apriilip aappaani ingerlanneqartussamut peqataassanngitsut. Aaqqissuussarli nalinginnaasumik ingerlanneqassasoq, Qimussertartut Kattuffianni siulittaasup Mikkel Jeremiassenip oqaatigaa.

- Piareerluinnarpugut, tamarmik maaniilereernikuupput. Sukkaniuuttussani inersimasut katillugit 33-upput, meeqqanilu qimussit 19-iullutik, Mikkel Jeremiassen oqarpoq. 

Aamma atuaruk Nunaqarfinni Saqqami Qeqertanilu qimminik mattussineq atorunnaarpoq

Qimmillu akornanni nappaalanerit tuniluutinnginniassammata peqataanissamut piumasaqaatit arlallit malinneqassapput.

- Piumasaqaatigaarput qimmit peqqissuussasut aamma ukiut pingasut iluanni minnerpaamik ataasiarluni kapitissimanermut allagartamik peqassasut; qimmit nappaataannut akiuussutissamik taavalu perlerornermut akiuussutissamik imalik.