Ilulissat Nunatsinneersut nioqqutigineqarput

Puisinniartarneq aalisartuunerlu kisimik maanna pineqarunnaarput, ilulissanilli nilattartarneq maanna aamma aallunneqalerpoq.
 
Aviisimi Wall Steer Journalimi allassimasut naapertorlugit, ilulissat Nunatsinneersut, Paggivittaallu avannarpasissuata sineriaata imartaaniittut, nioqqutigilluarneqarput.
 
Kaptajn Ed Kean aasat tamaasa Atlantikup sineriaanukartarpoq, iluliaqarnersoq takusarlugu. Ilulissanik piukkunnartunik takusaqaraangami, umiatsiaminik aallartarpoq, umiatsiaminiitittarpaalu netsit assigiinngitsut, krani mikisoq, sikunik, imaluunniit nilannik, kivitseriarluni umiatsiamut ikisisinnaasoq, taavalu pilattuuteeraq innaallagissamoortoq, taamaalillunilu naammatsivilluni nilattartarpoq.
 
Nilaat nunaqarfimmini vodkamik nioqqutissiortartumut, vodkamik nilammik akulimmik nioqquteqartartumut, tunisarpai, aamma St. Johnsimi immiaraaliorfimmut, Ilulissamik akulimmik immiaraaralirtartumut tunisisarluni. Immiaaqqat taamaattut takornariat aasaanerani pisiarilluartarpaat, piumaneqartaqaallu.
 
Ed Kean, nilattartartullu allat, viinniliortartunut nilannik tunisisarput, aamma suliffeqarfimmut imermik nillertumik puiaasamiittunik nioqquteqartartumut tunisisarlutik. Tamanna iluanaarutaalluartarpoq.
 
Nilattartarnissaminut nunaqarfimmini naalakkersuisunit akuerisaanikuuvoq, pissarsiarisinnaasanilu tamaasa nioqqutigisarpai.
 
Nilaat aannikut nuannarineqartorujussuupput mamarineqaqalutillu, inuimmi oqartarput, imeq nilammeersoq, imernut allanut naleqqiullugu, qaamanerullunilu minguinnerujussuusoq, imigassallu mamarnerujussuusut, kalaallit iluliaanneersunik akoqaramik.