Ilulissat meeqqanik aalaalupput
Meeqqat nunatsinni tamarminngaannersuut akunnerni makkunani Ilulissanut tikerarput, nunatsinni siullermeertumik meeqqat ataatsimeersuartinneqarnissaanut, aqagu aallartittussamut, peqataajartorlutik.
Allattoq Carla Davidsen
oktobarip 17-at 2011 11:37
Namminersorlutik Oqartussat Unicefilu meeqqat 40-t, 13-iniit 15-inik ukiullit, ataatsimeersuartinneqarnissaannut aaqqissuisuupput.
Ataatsimeersuariat Nunatsinni meeraanermi atugassaritaasut eqqartussavaat, soorlu aamma pisinnaatitaaffimmik suuneri ataatsimeersuarnerminni eqqartussagaat, aamma sammisassaqartitsinernut qanoq sunniuteqarsinnaanertik paasisaqarfigissallugu.
Meeqqat inuusuttuaqqallu 149-t ataatsimeersuartitsinissamut peqataanissamut qinnuteqarput. Taamaattorli 40-t kisimik toqqarneqarlutik.
